الــبــرج وحــلـمـنــا - الصفحة 4

mira · 28-04-2007, 01:38 AM

جزاك الله خيرا يا أبو مريم

على الحلم الجميل ده

بس على فكرة مش صعب تحقيقه

بجد ارادتنا فوق كل تحدي

وهيتحقق باذن الله

معا نحو اعلام اسلامي هادف ومتميز

sameh · 28-04-2007, 01:42 AM

جزاك الله خيرا يا أم بلال

طبعا انا واثق انه هيتحقق

مفيش حد عنده هدفه والا لازم يحققه

بجد انا حلمت وانا بداخل المكان ده

احاول اجيب لكم صوره المكان

mira · 28-04-2007, 01:49 AM

ياريت في انتظار الصورة

جزاك الله خيرا

Jassmine El Kilany · 28-04-2007, 04:13 AM

بجد خيال خصب جدا جدا يا ا.سامح انا فرحانه اوي اوي اوي انت بجد ادخلت السرور على قلبي يا رب يسعدك و ينولنا كل اللي نتمناه يااااارب

و معا نحو اعلام عربي اسلامي متميز جداااااا

تحياتي

sameh · 28-04-2007, 04:18 AM

ان شاء الله

شايفه حضرتك الصبر

من الامس الى اليوم

Jassmine El Kilany · 28-04-2007, 04:20 AM

اه شايفاه قاعد قدامي اهوه ههههههه

تحياتي اليك

sameh · 28-04-2007, 04:20 AM

فى حاجه كمان

عجبتنى جدااا

وهى

بليل

وانا راجع

عديت جنب البرج

شوفت ايه

الرج

كله منور

وبيه الشعار منور

بجد شكله جامد

للاسف مكنش معى كاميرا

والله انا بدور على ببحث على صوره البرج

ولسه مفيش نتيجه

Mo'men · 28-04-2007, 04:49 AM

راااااااااائع

اكمل

المهم فى مبنى الاذاعه الضخم فى الدور التاسع
اول ما تخرج من الاسنسير
صاله ضخمه جدا
مليئه بالاضواء
وباب مكتوب عليه الاداره

تدخل الاداره مجموعة مكاتب كل باب منهم مكتوب عليه قسم معين

وفى أخر الصاله مكتب مكتوب عليه السكرتاريه تدخل فيه تلاقيه مكتب ضخم ومليان اوراق بس المكتب فاضى
ندخل من أخر المكتب هتلاقى باب مكتوب عليه المدير
نفتح الباب وتدخل

بصوت عالى
فين بقيت النااااس يااا أ. يااااسمين مجوش ليه 10 دقائق و الاجتماع يبدأ

وقفة أ.ياسمين ونظرت من النافذه وقالت هو سامح واقف تحت فى نصف الشارع معطل المرور كده ليه شكله بيحلم
ألوااا سامح منفضلك اطلع دلوقتى بسرعه المجله هتطبع 5 مليون نسخه بكره وعيزين نشوف خطة التوزيع على مستوى العالم ده غير خطة الدعايه وعندنا اجتماع دلوقتى
أ.سامح
اه اه حاضر انا مش عارف كنت بتفرج على المبنى من بره وبفتكر ايام زمان لما كنا لسه صغيرين طالع حالا اهو

وا.مؤمن مشغول جدا بالموبيل بكلم ا.عمرو خالد
لا لا متقلقش يا أ.عمرو البرنامج هيتذاع فى معاده بس ياريت حضرتك تشرفنا فى الاستديو 10 دقائق بدرى

امسكت بيدى على الميك الموبيل وقطعت المكالمه
أ.دينا من فضلك شوفيلى حسام خلص الحمله الدعائيه بتاعت برنامج عمرو خالد الجديد و اعلانات أكاديميه الكمبيوتر نزلت ولا لسه
وبعدين فين ساااره واسلام

ا.دينا كالعاده عليها مليون حاجه ووجها مرتبك ومرهق
الواااا ساره انتى فين
من فضلك انتى واسلام بطلوا لف على الاستوديوهات بتعتنا الله يخليكم مش وقته الكاميرات و الكلام ده

المهندسه ساره
ايوه يادينا بس احنا جبنا اجهزة تصوير جديده بـ56000 دولار لازم نجربها وطلعين على طول

ا.ياسمين
الواااا
مروه جاد انتىىى فيييييين يلا تعالى دلوقتى من فضلك
المهندسه مروه
ايوه يا ياسمين حاضر بس البرامج الدينيه الهتتذاع النهرده لسه متركبتش على التراك لازم ارتبهم 5 دقائق وطلعه انا فى الدور 8 يعنى مفيش وهطلعلكم

فتح الباب بشده
ا.شيماء وعها ساره الصواف
ا.مؤمن الاستديو الجديد خلص خلاص واتعمل الديكور بتاعه وبكده يبقى استيو 122 احسن استديو عندنا بس الراجل عايز يقبلك

انظر اليهما بسعاده شديده
الله ينور عليكى يا ا.شيماء انتى وأ.ساره بس ياريت حضرتك احنا عندنا اجتماع دلوقتى وبلغى الراجل ياخد معاد من السكرتريه وبعدين احنا عندنا اجتماع دلوقتى ممكن تقعدى

تذهب ا.ياسمين مسرعه وتفتح الشاشه العملاقه فوق طاولة الاجتماعات الطويله ويظهر على الشاشه جدول اعمال الاجتماع

فى نفس اللحظه يدخل د.هاجر ومعها أ.نهى
ا.مؤمن انا تعبت بجد احنا بيجلنا فوق 4000 وافد أجنبى ومش عرفين نتعامل معاهم عيزين مترجمين صينى و هندى

ا.مى قاعد فى اخر الغرفه تقوم من طاولة الاجتماعات انا ممكن أخلصلك الحاجات دى
تقطعها ا.ساره الحسين طبعا نخلصلك كل حاجه احنا عندنا دلوقتى اكبر مركز اعلامى لنقل المعلومات فى الشرق الاوسط

مؤمن
ياجماعه طيب من فضلكم ممكن تعدوا كلكم دلوقتى لحد ميجى الباقى وهناقش كل الحاجات دى فى الاجتماع

يفتح الباب ويدخل منه شاب طويل القامه ابيض الوجه صامت التعبير

اهلا وليد باشا ايه يعم لازم تجي يعنى على معاد الاجتماع
وليد
معليش يا مؤمن انا لسه راجع من كندا امبارح من المشوار البعتنى ليه
اوك يا ليدو اتفضل اعد

ا.اميره ومعها أ.اسماء شحاته
السلام عليكم ا.مؤمن انا اسفه للتأخير اصل احنا كنا بنقوم موقعنا بالفرنساوى الجديد
مؤمن
اوك ا.اميره ولا يهمك المهم تكونوا خلصتوه أتفضلى اقعدى

ا.اسماء
من فضلك يا ا.مؤمن عيزين نناقش موضوع الموقع الايمانى الجديد لان موقع اسلام اون لاين كلمنا كذا مره ومش عرفين نرد عليه
ده غير حضرتك ان فى قضيه مرفوعه على احدى مجلاتنا الدينيه بيقولو فيها حاجات خاطأه

مؤمن
اوك يا ا.اسماء هنظبط كل ده فى الاجتماع

ودخل الجميع
تقريبا

يلاااا نبدأ الاجتماع
أغلق الباب و بدأ الجميع فى فتح اوراقه ومراجعة سكرتيره الخاص بقسمه

وقبل اول كلمه
دخلت ا.دعاء
السلام عليكم
مؤمن
وعليكم السلام أتأخرتى ليه يا أ.دعاء
دعاء
أروح
مؤمن
اه روحى خلاص (ههههههه زى كل اجتماع)
دعاء
هو حضرتك ناسى لما سبتينى اكتر من ساعه انتظرك تأخير عن أجتماع الاحد
مؤمن وجه يحمر تطيب خلاص خلاص يا ا.دعاء اتفضلى
دعاء
وبعدين انا لسه جيه من القاعه عشان المهرجان الاعلامى الدولى الثالث بنجهزه مش حضرتك عيزه احسن من الجزيره السنه الفاتت ...

يعنى ده حلم بسيط
يارب مكونش نسيت حد فى الحلم

Mo'men · 28-04-2007, 05:30 AM

الصراحه فى ناس تانيه عايز احطهم فى الحلم
بس مش بحب احلم لحد او اكون حاطط حد غصب عنه

لكن اتمنى وجود

حبيبى حاتم محمد

وأختى منه الله

اتمنى ان يكون معى فى هذا الحلم
أخوتى واحبائى رؤساء الفرق اعلام فى كل الدوله
منه مسئول اعلام القاهره
امين مسئول اعلام السودان
سعد مسئول اعلام الجزائر
مروه مسئول اعلام العراق
محمد لبنان
وغيرهم كتير ومن المحافظات طبعا و على رأسهم اسوان
ودسوق
وكفر الشيخ
عمرو صبرى المنصوره
يووووه اسماء كتير

وطبعا مقدرش استغنى عن وجود
حيدره

Jassmine El Kilany · 28-04-2007, 05:46 AM

راااااااااااااااااااااااا ااااااااااااااااااااااااا ااااااااااااااااااااااااا ااااااااااااااائع جدا جدا جدا

بجد اكتر من رااااااااااااااائع يااااارب يااااارب ياااارب لساني بجد يعجز عن التعبير و في عقلي و قلبي مشاعر كتير لحد ما نحقق الحلم
فرحانه و خايفه و عندي امل و قوه وثقه بالله و لطمه على وجهي بتقولي الحمل اللي في رقبتنا مش هيييييييييييييييييييييييي ييييييين ولا سهل خاااالص

عشان توصل لازم تتطحن

يارب ياااارب حطحن نفسي و كلنا حنطحن نفسنا عشاااان نوصل

معا نحو اعلام عربي اسلامي متميز

مطحونه رقم (1) ان شاء الله

تحياتي اليكم و الى عقولكم المبدعه